ពិព័រណ៍វិទ្យាសាស្ត្រប្រចាំឆ្នាំលើកទី៦

ពិព័រណ៍វិទ្យាសាស្ត្រប្រចាំនេះ ត្រូវបានរៀបចំឡើងក្នុងគោលបំណងផ្ដល់ឱកាសដល់សិស្សានុសិស្សរបស់យើងមានឱកាសបានបង្ហាញអំពីសមត្ថភាពផ្នែកវិទ្យាសាស្ត្រ និងបច្ចេកវិទ្យា ក៏ដូចជាប្រកួតប្រជែងសមត្ថភាពជាមួយក្រុមដ៏ទៃទៀត ព្រមទាំងទទួលបានមេដាយ និងលិខិតសរសើរផងដែរ។ សិស្សានុសិស្សទទួលបាននូវចំណេះដឹង សមត្ថភាព ការបង្កើតថ្មី និងការយល់ដឹងអំពីការស្រាវជ្រាវវិទ្យាសាស្ត្រ និងការសិក្សាបែបទំនើប នៅក្នុងបដិវត្តន៍ឧស្សាហកម្ម៤.០។

ក្រោយការប្រកួតចប់ យើងបានរកឃើញនូវម្ចាស់ជ័យលាភីមេដាយមាស មេដាយប្រាក់ និងមេដាយសំរឹទ្ធិ ដែលសុទ្ធសឹងតែជាជើងខ្លាំងពោរពេញដោយសមត្ថភាព និងទេពកោសល្យ រួមជាមួយនឹងសាមគ្គីភាពជាធ្លុងមួយនៃក្រុមរបស់ពួកគេ។

សាលាចំណេះទូទៅអន្តរជាតិ ឌូវី គឺជាសាលាតែមួយគត់ដែលបានរៀបចំពិព័រណ៍វិទ្យាសាស្ត្រប្រចាំឆ្នាំច្រើនជាងគេ និងមានសិស្សានុសិស្សដែលបានចូលរួមប្រកួតប្រជែងថ្នាក់ជាតិ និងអន្តរជាតិ រួមទាំងទទួលបានជ័យលាភី និងមាដាយច្រើនជាងគេនៅក្នុងប្រទេសកម្ពុជា។

ពិព័រណ៍វិទ្យាសាស្រ្តលើកទី៦ នេះ មានការអញ្ជើញចូលរួមដ៏ខ្ពង់ខ្ពស់ពីសំណាក់ ឯកឧត្ដមបណ្ឌិត កាន ច័ន្ទមេត្តា រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ព្រមទាំងវត្តមានរបស់ឯកឧត្ដមបណ្ឌិត ហ៊ុល សៀងហេង អគ្គនាយក នៃអគ្គនាយកដ្ឋានវិទ្យាសាស្រ្ត បច្ចេកវិទ្យា និងនវានុវត្តន៍។